Kaffi Kind

Veitingahús á heimsvísu – matseðill og fleira.

Kaffistofa Sauðfjársetursins í Sævangi ber hið virðulega og viðeigandi nafn Kaffi Kind. Kaffi Kind er sérlega notaleg kaffistofa með einstöku útsýni yfir Steingrímsfjörð. Hvergi er betra að sitja á góðviðrisdögum yfir sumarið, drekka kaffi og borða ljúffenga súkkulaðiköku, vöfflu með sultu og rjóma eða gómsætum kleinum. Matseðill Kaffi Kindar er ekki sérlega flókinn, en að sama skapi leitast fólkið í eldhúsinu við að mæta öllum þörfum viðskiptavinanna.

Kaffi Kind býður, auk hefðbundins matseðils, upp á ótrúlega góðan rjómaís beint frá býlinu Erpsstöðum í Dalasýslu. Ekki missa af því!

Hópar eru velkomnir í Kaffi Kind, en kaffistofan getur auðveldlega tekið við allt að 60 manns í kaffi í einu og jafnvel fleiri. Ef fólki langar til að fá annars konar mat í Sauðfjársetrinu heldur en kaffihlaðborð; t.d. súpur, pasta, salat eða blessað lambakjötið með öllu tilheyrandi, er það einnig auðsótt og sjálfsagt mál – en þá er betra að láta vita með smá fyrirvara. Ef ætlunin er að koma með hóp af fólki er einnig hægt að leggja inn beiðnir og fyrirspurnir með því að senda tölvupóst eða hringja í síma 451-3324.

Frá árinu 2002 hafa verið haldin ótal kaffihlaðborð í Kaffi Kind og hafa þau ætíð hlotið einróma lof gesta Sauðfjársetursins. Stefna kaffistofunnar er í hnotskurn sú sama og sýningarinnar Sauðfé í sögu þjóðar – hún er fyrir alla aldurshópa, hún er heimilisleg og engin spurning er of stór til að ekki sé hægt að finna svar við henni.

Kaffistofa Sauðfjársetursins í Sævangi ber hið virðulega og viðeigandi nafn Kaffi Kind. Kaffi Kind er sérlega notaleg kaffistofa með einstöku útsýni yfir Steingrímsfjörð. Hvergi er betra að sitja á góðviðrisdögum yfir sumarið, drekka kaffi og borða ljúffenga súkkulaðiköku, vöfflu með sultu og rjóma eða gómsætum kleinum. Matseðill Kaffi Kindar er ekki sérlega flókinn, en að sama skapi leitast fólkið í eldhúsinu við að mæta öllum þörfum viðskiptavinanna.

Kaffi Kind býður, auk hefðbundins matseðils, upp á ótrúlega góðan rjómaís beint frá býlinu Erpsstöðum í Dalasýslu. Ekki missa af því!

Hópar eru velkomnir í Kaffi Kind, en kaffistofan getur auðveldlega tekið við allt að 60 manns í kaffi í einu og jafnvel fleiri. Ef fólki langar til að fá annars konar mat í Sauðfjársetrinu heldur en kaffihlaðborð; t.d. súpur, pasta, salat eða blessað lambakjötið með öllu tilheyrandi, er það einnig auðsótt og sjálfsagt mál – en þá er betra að láta vita með smá fyrirvara. Ef ætlunin er að koma með hóp af fólki er einnig hægt að leggja inn beiðnir og fyrirspurnir með því að senda tölvupóst eða hringja í síma 451-3324.

Frá árinu 2002 hafa verið haldin ótal kaffihlaðborð í Kaffi Kind og hafa þau ætíð hlotið einróma lof gesta Sauðfjársetursins. Stefna kaffistofunnar er í hnotskurn sú sama og sýningarinnar Sauðfé í sögu þjóðar – hún er fyrir alla aldurshópa, hún er heimilisleg og engin spurning er of stór til að ekki sé hægt að finna svar við henni.

Í Sævangi er einnig lítil sjoppa með nokkrum helstu nammitegundum landsins, sem og gos- og svaladrykkjum. Hún er skiljanlega sérstaklega vinsæl meðal yngri kynslóðarinnar, en hinir eldri geta að sjálfsögðu fengið sér hina stórbrotnu blöndu „kók og prins“ sem var þjóðarréttur Íslendinga um árabil.

Upcoming Events