Náttúrubarnaskólinn

Náttúrubarnaskólinn er stórmagnað hliðarverkefni við rekstur Sauðfjársetursins. Náttúrubarnaskólinn stendur fyrir fjölbreyttum og skemmtilegum námskeiðum á Sauðfjársetrinu á Ströndum þar sem börn og fullorðnir læra um náttúruna. Við gerum allskonar skemmtilega hluti til dæmis skoða seli, fugla, hreiður og blóm, förum í leiki, föndra og mála, búum til fuglahræður, sendum flöskuskeyti og sjóðum jurtaseyði. Náttúrubarnaskólinn var settur á laggirnar sumarið 2015 og hefur starfað á hverju sumri síðan. Verkefnið hefur gengið mjög vel og ríkir mikil hamingja með viðbrögðin sem uppátækið hefur fengið. 

Náttúran er ævintýraheimur og þar gerist ýmislegt skrítið og skemmtilegt. Í Náttúrubarnaskólanum er blandað saman útiveru, leikjum og fróðleik, þar lærir maður með því að sjá og snerta, gera og upplifa.

Dagrún Ósk Jónsdóttir þjóðfræðingur og yfirnáttúrubarn sér um Náttúrubarnaskólann og hefur gert frá upphafi. Hún hefur mótað starfsemi hans og hugmyndafræðina sem starfað er eftir. Á hverju sumri er haldin glæsileg Náttúrubarnahátíð og einnig er boðið upp á margvísleg sumarnámskeið fyrir börnin. Eins hafa ýmsir viðburðir verið haldnir sem henta bæði eldri og yngri; gönguferðir, kvöldvökur, sérstök námskeið, spurningaleikir og fleira.

Endilega hafið samband við Dagrúnu í síma 661-2213 eða á natturubarnaskoli@gmail.com til að fá frekari upplýsingar.

Náttúrubarnaskólinn á vefnum: www.natturubarnaskolinn.is

Facebókarsíða Náttúrubarnaskólans: facebook.com/natturubarnaskolinn