Náttúrugönguferð í Sævangi (2022)
![](https://saudfjarsetur.is/wp-content/uploads/2022/09/blom1.jpg)
![](https://saudfjarsetur.is/wp-content/uploads/2022/09/blom3-1.jpg)
Í dag var skemmtilegur dagur og viðburður í Sævangi sem verkefnið With Love, Iceland sem Jamie Lee heldur úti stóð fyrir. Hún og Hafdís Sturlaugsdóttir sauðfjárbóndi og sérfræðingur í landnytjum og gróðri voru þar með kynningu og blómaskoðun og enduðu niðri í fjöru við að segja frá fjörugróðri, þangi og þara. Hafdís er bóndi í Húsavík og framleiðir Húsavíkurbúið sérunnar kjötvörur, kryddaðar með jurtum og berjum.
Frábær dagur í einstöku blíðskaparveðri. Gestir fengu að smakka á kjötafurðum Húsavíkurbúsins, svo var blómaskoðun og fróðleikur og í framhaldi af því spjallað um og smakkað á sölum, þangi og þara. Mikið að gera á setrinu og margir sem nutu veitinga og sólar á pallinum. Takk fyrir daginn góðir gestir og sérstaklega Jamie Lee og Hafdís Sturlaugsdóttir.